Athinë, 26 shkurt- Athina dhe Shkupi kanë pikëpamje të ndryshme për zgjidhjen e çështjes për emrin, por besoj se ka bazë në bazë të cilës mund të vazhdojmë të punojmë, deklaroi ndërmjetësuesi i KB-së Metju Nimic pas takimit të sotëm në Athinë me zëvendës-shefin e diplomacisë greke Dimitris Drucas.

Nimic tha se e ka informuar palën greke për bisedimet që para dy ditëve i zhvilloi në Shkup, si dhe për mendimet e tij për vazhdim të procesit dhe zgjidhje të problemit. Drucas, siç theksoi ndërmjetësuesi, "e ka bindur se Athina mbetet tërësisht e përkushtuar në zgjidhjen e problemit nëpërmjet zgjidhjes së pranueshme të përbashkët që do t'ia hapë rrugën Shkupit drejt strukturave euroatlantike".