Clinton, Trump fitues në Nju York

Clinton, Trump fitues në Nju York

Rrjetet televizive amerikane parashikojnë biznesmenin Donald Trump si fitues të garës republikane në shtetin e Nju Jorkut.

Votat janë ende duke u numëruar, por sipas parashikimeve, kandidati miliarder duket të ketë fituar me rezultat të thellë.

Anketat para mbylljes së qendrave të votimit e nxirrnin kandidatin Trump fitues me rezultat të thellë. Nju Jorku është shteti i tij i lindjes dhe selia e zyrave të perandorisë së tij të pasurive të patundshme. Rivalët e tij, senatori i Teksasit Ted Cruz dhe guvernatori i shtetit Ohajo John Kasich, nuk kishin shpresa për të fituar. Të dy e kishin përqëndruar vëmendjen në votimet e javës tjetër kur zhvillohen gara në pesë shtete.

Për demokratët, parashikimet nxjerrin fituese ish Sekretaren e Shtetit Hillary Clinton ndaj senatorit të Vermontit Bernie Sanders.

Të dy ata kanë lidhje të forta me Nju Jorkun. Sanders ka lindur në Nju Jork, ndërsa Clinton ka përfaqësuar këtë shtet në senat.

Fitoret nga Trump dhe Clinton mund t’u japin atyre një kryesim që pothuajse nuk mund të përmbyset dot më nga rivalët.

Clinton ka siguruar 1758 delegatë ndaj 1076 të rivalit Sanders. Për të siguruar emërimin zyrtar të partisë kandidatit i duhen 2383 delegatë.

Para Nju Jorkut Trump kishte 744 delegates, ndërsa Cruz 559 dhe Kasich 144. Kandidatit republikan i duhen 1237 delegatë që të sigurojë emërimin e partisë.

Zyrtarët në Nju Jork ndërkohë i kanë kërkuar Bordit të Zgjedhjeve të japë sqarime për një numër parregullsish që u vunë re gjatë zgjedhjeve.

Mes parregullsive ishin disa aparatura votimi që nuk funksiononin, hapje me vonesë të disa qendrave të votimit dhe dhjetra mijëra votues që nuk ishin në lista.

Shefi i financave të Bashkisë së Nju Jorkut Scott Stringer tha se banorët e Nju Jorkut kanë humbur besimin tek Bordi i Zgjedhjeve.

“Ne do të gjejmë përse Bordi i Zgjedhjeve ishte kaq i paorganizuar, kaotik dhe i paefektshëm,” tha ai.

Nuk pritej që këto probleme të kenë ndikuar në rezultatin e zgjedhjeve paraprake

Previous PRITET REKOMANDIM POZITIV PËR LIBERALIZIM TË VIZAVE
Next Lansohet versioni i ri i Galaxy S7 dhe S7 edge

About author

You might also like

Pas 6 vitesh mosmarrëveshje diplomatike, Izraeli emëron ambasador në Turqi

Izraeli emëroi sot ambasadorin e tij në Turqi, i pari në këtë post prej vitit 2010, duke shënuar në këtë formë normalizimin e marrëdhënieve mes dy shteteve pas 6 vite

Erdogan kërcënon ushtarakisht edhe Greqinë: Jeni trima sa të shihni avionët tanë

Presidenti turk Erdogan ka kërcënuar me ndërhyrje ushtarake edhe ndaj Greqisë pas sulmit të ushtrisë turke në Siri. Duke folur në mbledhjen e Grupit Parlamentar të partisë, Erdogan tha se

​Kriza në Siri OKB: Rusia dhe SHBA të ndihmojnë në bisedimet për paqe

I deleguari special i OKB-së për zgjidhjen e konfliktit të Sirisë, Staffan De Mistura, i ka bërë thirrje Shteteve të Bashkuara dhe Rusisë që të përdorin influencën e tyre në

0 Comments

No Comments Yet!

You can be first to comment this post!

Leave a Reply