Han do t’i presë liderët partiak në terren të vetin në “shtëpinë e BE-së”

Han do t’i presë liderët partiak në terren të vetin në “shtëpinë e BE-së”

Eurokomisari për negociata për zgjerim, Johanes Han, së bashku me tre eurodeputetë Eduard Kukan, Riçard Hovit dhe Ivo Vajgëll, nesër në terren vendor në kryeqytetin austriak Vjenë i pret katër liderët e partive politike të Maqedonisë, Ali Ahmeti, Menduh Thaçi, Nikolla Gruevski dhe Zoran Zaev, në raund të ri të bisedave për zgjidhjen e krizës politike në Republikën e Maqedonisë.

Ashtu siç lajmëruan nga Brukseli, me fillim në orën 11:00, Han nesër do të jetë nikoqir i liderëve të BDI-së, PDSH-së, VMRO-DPMNE-së dhe LSDM-së në të ashtuquajturën “shtëpinë e Bashkimit Evropian” në Vjenë, e cila gjendet në rrugën “Viplinshtrase” në afërsi të qendrës së kryeqytetit austriak.

Edhe krahas asaj që Bashkimi Evropian e ka delegacionin e saj pranë OSBE-së dhe pranë Kombeve të Bashkuara në Vjenë, Han dhe eurodeputetët Kukan, Hovit dhe Vajgëll e zgjodhën “shtëpinë e Bashkimit Evropian” si Përzhino e re. Bëhet fjalë për shtëpi moderne që tërësisht është nga qelqi, e cila quhet ashtu sepse në të janë të vendosura zyrat e Komisionit Evropian dhe Parlamentit Evropian në Vjenë.

Edhe pse lideri i LSDM-së Zoran Zaev e kushtëzoi praninë e tij në këto biseda me dy kushte, të cilat deri tani nuk janë plotësuar, Han dhe eurodeputetët do t’i presin liderët politik të Maqedonisë në mbledhjen e nesërme edhe krahas asaj që askush, as nga Eurokomisioni, as nga Europarlamenti nuk e konfirmuan praninë e tyre. Në Vjenë, siç konfirmoi, do të shkojë lideri i Bashkimit Demokratik për Integrim,-së, Ali Ahmeti, ndërsa praninë zyrtarisht e konfirmoi edhe VMRO-DPMNE-ja, e udhëhequr nga lideri, Nikolla Gruevski.

Megjithatë në “Shtëpinë e BE-së” në Vjenë veçmë përgatitet salla për mbledhjen për zgjidhjen e krizës politike të Maqedonisë dhe jozyrtarisht, ndërmjetësuesit evropian i presin të gjithë të ftuarit të marrin pjesë në takimin e liderëve, i cili do të mbahej edhe në mungesë të ndonjërit prej tyre.

Previous Edhe Ohri i bashkangjitet protestës qytetare
Next Zvërlevski dhe Ushkovski përpara zgjedhjeve ua kanë rritur rrogat gjykatësve dhe prokurorëve

About author

You might also like

Maqedoni 0 Comments

Sela ftesë BESËS: Bashkëpunim pa asnjë kusht

Kryetari i LR-PDSH, Ziadin Sela theksoi në debatin Click Plus në TV21 se është i hapur për koalicionim me gjitha partitë opozitare, duke vënë theksin tek Lëvizja BESA. “Jemi të interesuar për

Maqedoni 0 Comments

Kërkohet shkarkimi i 110 gjykatësve

Anëtarët e Këshillit Gjyqësor në seancën e radhës duhet të vendosin për ankesat për shkarkim të 110 gjykatësve në vend. Seanca e parë është planifikuar të enjten. Më shumë iniciativa

Maqedoni 0 Comments

“Ndal”, protestë në Shkup prej orës 14:00

Këshilli për organizimin e protestës që përbëhet nga LR-PDSH, RDK, OVL, Ilyrikum Libertas dhe familjarët e të burgosurve të rastit “Monstra” dje kanë njoftuar se sot protesta do të fillon

0 Comments

No Comments Yet!

You can be first to comment this post!

Leave a Reply