13 persona të lënduar në 11 aksidente dje në Shkup

Policia e komunikacionit gjatë ditës së djeshme në rajonin e Shkupit dhe rrethinë ka kryer kontroll në gjithsej 11 aksidente komunikacioni, në të cilat lëndime më të lehta kanë marrë 13 persona, ndërsa pesë janë me dëme materiale.

SPB – Shkup për MIA-n informojnë se nga ana e policisë rrugore, janë zbuluar dhe sanksionuar një numër i madh i shkeljeve. Janë sanksionuar 29 të cilët kanë lëvizur me shpejtësi më të madhe nga e lejuara, shtatë shoferë nuk u janë përmbajtur kufizimeve, ndalesave dhe obligimeve të shprehura në shenjat e komunikacionit dhe tre shoferë kanë kaluar në dritë të kuqe të semaforit

Janë sanskionuar edhe 32 shoferë për parkim jo të rregullt.

Me ndihmën e automjetit special karrotrec, gjatë ditës së djeshme janë larguar 49 automjete.

Sot, Sektori për parandalim pranë SPB Shkup, me fillim në ora 19, në hapësirat e Stacioni policor në kompetencë komunale (SPKK) Gazi Babë do të mbajë mësim qarkullimi, në të cilën do të marrin pjesë qytetarë pjesëmarrës në komuniakcion, të cilët kanë kryer kundërvajtje në baza të ndryshme në cilësinë e këmbësorit.

Në suaza të projektit “Kultura e komunikacionit te fëmijët në institucionet parashkollore” sot Sektori për parandalim pranë SPB Shkup do të realizojë punëtori edukative në kopshtin për fëmijë “11 Tetori” objekt “Butel 2” i cili gjendet në rajonin e komunës së Butelit.

Be the first to comment

Leave a Reply

Your email address will not be published.


*


This site uses Akismet to reduce spam. Learn how your comment data is processed.