Apelacioni debaton për ankesat për “Tenderët”

Gjykata e Apelit sot në seancë publike i shqyrtoi ankesat për masat për kujdes të shqiptuara nga Gjykata Penale për ish ministren e Kulturës Elizabeta Kançevsa Milevska e cila është e akuzuar në lëndën “Tenderët” të PSP-së për keqpërdorim të detyrës dhe autorizimit zyrtar.

Prokurori i PSP-s, Gavril Bubevski, kërkoi paraburgim që të sigurohet prezenca e saj dhe për të shkak efikasitetit të procedurës. Ai kërkoi që gjykatësit ta vlerësojnë edhe lartësinë e dënimit të paraparë për vepër penale për të cilën është akuzuar.

Kançevsa-Milevksa, megjithatë, deklaroi se është e befasuar nga kërkesa për masën paraburgim. Sipas asaj, nuk mund të bëhet fjalë për pengesë të procedurës. Pohon se gjithmonë është paraqitur në ftesat e PSP-së dhe se nuk është fajtore për veprat për të cilat është e akuzuar.

Kançevsa Milevska, para Gjykatës së Apelit u ankua për marrjen e pasaportës së saj, ndërsa PSP-ja për mospërcaktimin e masës paraburgim. Rasti “Tenderët” ka të bëjë me furnizime lidhur me ndërtimin e Muzeut të VMRO-së.

Gjykata e Apelit sot duhet të debatojë për ankesat edhe të dy të akuzuarve në “Tenderët”. Për njërën PSP-ja kërkon paraburgim, ndërsa për tjetrën masë për kujdes.

Gjykata e Apelit deri tani i refuzoi të gjitha ankesat e parashtruara të vendimeve të Gjykatës Penale lidhur me lëndët e PSP-së.