Lajm fantastik për shqiptarët në Zvicër

Lajm fantastik për shqiptarët në Zvicër

Ndryshimi i pritshëm i Ligjit mbi Natyralizimin, i cili do të hyjë në fuqi nga një janari 2018 dhe pritet të ashpërsojë kriteret, ka bërë që në Zvicër të ketë një rritje rekorde të numrit të të huajve që kërkojnë pasaportën zvicerane.
Kështu, siç shkruan Nzz am Sonntag në gjashtë muajt e parë të këtij viti, pasaportën zvicerane e kanë fituar 20.581 persona. Ky numër është për shtatë për qind më i madh se ai në vitin 2016. Ndërkaq, për shkak të ndryshimit të përmendur të ligjit, pritet me të drejtë që sivjet të shënohet një rekord sa i përket pajisjes së të huajve me shtetësinë zvicerane, transmeton albinfo.ch. si rekord deri më tash konsiderohet ai i arritur në vitin 2006, kur ishin natyralizuar 47.607 veta.

Efekti di të forcohet edhe më shumë nga fakti se qarqet e majta e kanë gjetur të nevojshme që të apelojnë te të gjithë të huajt që të bëjnë kërkesën menjëherë për pasaportë zvicerane, citohet deputeti nga FDP/PLR, Philip Müller. Ai me këtë rast ka parasysh veç tjerash edhe aksionin e kryebashkiakes së Cyrihut, socialdemokrates Corinne Mauch e cila u ka dërguar letra të huajve me lutjen që ata ta shfrytëzojnë periudhën e mbetur për të kërkuar natyralizimin, përcjell albinfo.ch. “Një aksion i panevojshëm. Ata të cilëve nuk u ka lindur vetë kjo ide, duket se nuk janë dhe aq shumë të motivuar për t`u bërë zviceranë”, mendon Müller.

Ngjashëm me zonjën Mauch, madje më parë se ajo, kishin vepruar edhe krerët e kantoneve si Gjeneva dhe Vaudi. Me sukses të plotë. Kështu në Vaud numri brenda gjashtë muajve është rritur për 45 për qind duke arritur në 4343 ndërsa në Gjenevë për 31%, në 2873.

Një rritje por më e matur, është regjistruar edhe në Kantonin e Cyrihut, rreth 4% duke arritur në 3235 brenda gjashtë muajve të parë të vitit. Drejtoresha për çështje të drejtësisë në nivel kantoni Jacqueline Fehr ka thënë se pret një rritje më të madhe gjatë muajve të vjeshtës.

Siç dihet tashmë, ligji i ri për natyralizimin si kusht për këtë akt ka pasjen e lejes së përhershme të qëndrimit (Viza C), për ndryshim nga ligji ende në fuqi, me të cilin shtetas zviceranë mund të bëhen edhe ata të huaj që kanë vizën B ose madje edhe F, me kusht që t`i kenë mbushur 12 vjet qëndrimi në Zvicër, shkruan albinfo.ch. Ligji i ri ndërkaq e mundëson këtë me 10 vite qëndrim (por me vizën C)

Previous Sa trupëroje ka Gruevski dhe Mijallkov dhe sa po i kërkojnë nga MPB
Next Kuvend, vazhdon debati për buxhetin

About author

You might also like

Maqedoni 0 Comments

Maqedoni, filloi viti akademik 2016/2017

Në universitetet e Maqedonisë sot filloi viti i ri akademik 2016/2017. Për studentëve të rinj do të organizohet ora e parë akademike në universitete dhe disa prej tyre do të

Maqedoni 0 Comments

Gjykata Kushtetuese stopon veprimet për zgjedhjet më 5 qershor

(E Plotësuar)  Gjykata Kushtetuese ka pranuar iniciativën e BDI-së, që e ka ngre deputeti Talat Xhaferi, me të cilën kontestohet vendimi për shpërbërjen e Kuvendit si antikushtetuese, transmeton Portalb. Deri

Maqedoni 0 Comments

Mot me diell dhe vranësira mesatare

Moti në Maqedoni do të jetë me diell me vranësira mesatare. Paradite nëpër fushëgropa do të ketë kushte për paraqitje të dobët të vranësirave dhe mjegullës së dobët. Temperatura e

0 Comments

No Comments Yet!

You can be first to comment this post!

Leave a Reply