Infektimi tjera, priten rezultatet për të hospitalizuarit

Shtatë pacientët e hospitalizuar në Klinikën për sëmundje infektive në Shkup nga Simnica e Gostivarit, janë në gjendje shëndetësore të mirë dhe stabile, ndërkaq priten rezultatet e tyre laboratorike në qendrat referente të vendit. Deri në këto momente nuk ka raste të reja me simptome të etheve hemorragjike Han Tan të cilat ishin shkak i vdekjes së dy banorëve të fshatit Simnicë. Zv/ministri i Shëndetësisë Goce Çakarovski tha se gjatë ditës është bërë deratizimi dhe dezinfektimi i të gjitha objekteve dhe hapësirave në këtë fshat.

‘Gjithsej janë shtatë pacientë, të gjithë janë në gjendje të mirë dhe stabile. I presim rezultatet nga qendrat tona referente për këta pacientë, e dini se dy të ndjerit rezultatet i kishin pozitive. Për momentin në fshatin Simnicë dhe në kasollen e kafshëve po kryhet dezinsektim dhe deratizim i tërësishëm në të gjitha objektet e fshatit dhe rreth tij, i presim rezultatet e mostrave nga uji dhe gjithashtu rezultatet të cilat i mori Agjencioni për ushqim dhe veterinari – tha Goce Cakarovski, zv/ministër i Shëndetësisë.’

VMRO-DPMNE gjatë ditës së sotme përgjegjësinë për rastin ia veshi ministrit të Shëndetësisë Arben Taravari duke akuzuar se kjo ka ndodhur si pasojë e pa kujdesisë së tij. Nga ana tjetër LSDM-ja qeveritare përmes një komunikate me shkrim tha se qeveria e VMRO DPMNE-së në të kaluarën ka shkatërruar në tërësi sistemin shëndetësor dhe se tenton që të përfitojë politikisht nga fatkeqësitë e qytetarëve.