”Kumanova”, Prokuroria jep fjalën e fundit (Video)

”Kumanova”, Prokuroria jep fjalën e fundit (Video)

Prokuroria Publike dha fjalën përfundimtare për aktakuzën ndaj grupit të Kumanovës. Vepra mbetet e njëjtë, terrorizëm dhe organizatë terroriste. Prokurori Naum Panovski veprën terrorizëm e arsyetoi me qëllimin e grupit për të ndjell frikë dhe pasiguri tek qytetarët. Panovski vlerësoi që masën e dënimit duhet ta caktojë trupi gjykues.

Nga veprimet që i kanë ndërmarr propozoj që të akuzuarit të shpallen fajtorë dhe të njëjtëve tu shqiptohet dënimi në pajtueshmëri me ligjin. Masën e dënimit ta caktoj trupi gjykues – tha Naum Panovski, Prokuror.

Avokatët mbrojtës nuk pajtohen me vlerësimin. Sipas tyre terrorizmi nuk është vepër që paralajmërohet dhe se Prokuroria duhet të pyes se kush i pari shkrepi zjarr, grupi i armatosur apo policia.

Nga fjalët përfundimtare të Prokurorit Publik, mund të konstatojmë se nuk është respektuar as momenti subjektiv dhe as ai objektiv që të akuzuarit të mund të akuzohen e aq më pak të dënohen për terrorizëm -deklaroi Asmir Aslispahiç, Avokat.

Avokatët gjithashtu përgënjeshtrojnë spekulimet se në seancën e kaluar Prokurori Publik ka kërkuar dënim me burg të përjetshëm për të akuzuarit.

E patë edhe sot se Prokurori Publik nuk kërkoi dënim të përjetshëm për asnjë të akuzuar, por propozoi që gjyqi t’i shpall fajtor dhe t’i dënoj sipas ligjit – u shpreh Lubço Veselinovski, Avokat.

Avokatët kundërshtojnë edhe vlerësimin për organizatë terroriste. Sipas tyre, nëse Prokuroria Publike ka vlerësuar se të akuzuarit i takojnë Ushtrisë Çlirimtare Kombëtare, atëherë duhet pasur parasysh vlerësimet ndërkombëtare të cilët kanë konstatuar se UÇK-ja nuk ka vepruar si organizatë terroriste dhe se kualifikimi adekuat do të ishte ai në bazë të nenit 123 të Kodit Penal.

Kodi Penal- Neni 123, paragrafi 2, pika 7

“Me dënim prej 10 vitesh ose dënim të përjetshëm do të dënohet ai i cili: do t’i marr jetën gjykatësit, prokurorit publik ose avokatit gjatë kryerjes së detyrë, personit zyrtar apo ushtarak gjatë kryerjes së detyrave për siguri publike ose shtetërore apo gjatë detyrës për ruajtjen e rendit publik, kapjes së autorit të veprës penale apo ruajtjes së personit i cili është i privuar nga liria”.

Në seancën e ardhshme mbrojtja do të ketë fjalën për kundërshtimin dhe precizimin e aktakuzës. Për luftimet e 9 dhe 10 majit 2015 në Kumanovë për terrorizëm akuzohen 37 persona. Luftimet e atëhershme lanë viktima 8 pjesëtarë të policisë dhe 10 pjesëtar të grupit të armatosur.

Previous Shuhen shpresat e Rusisë, ushtria amerikane hyn në Maqedoni (Foto)
Next Filloi takimi i liderëve i thirrur nga Gëzim Ostreni

About author

You might also like

Maqedoni 0 Comments

Georgievski: Bombat e Zaevit erdhën nga Sasho Mijallkov

Ai këto komente i ka bërë në emisionin “Analiza” që emetohet në Televizionin maqedonas, 24 Vesti.   Maqedonia po tronditet pas një deklarate të fuqishme nga ish Kryeministri, Ljubço Georgievski

Maqedoni 0 Comments

Kotevski: VMRO DPMNE është e gatshme për qeveri teknike para zgjedhjeve

VMRO-DPMNE është e gatshme dhe ka ndër mend ta respektojë Marrëveshjen e Përzhinos, e cila parasheh formimin e qeverisë teknike për organizimin e zgjedhjeve të cilët duhet ta shtojnë rrugën

Maqedoni 0 Comments

Disa pjesë të Shkupit nesër ngelen pa rrymë elektrike

Pa energji elektrike nesër do të jenë më shumë pjesë të komunës Butel, Gazi Babë, Qendër, Aerodrom, Kisella Vodë dhe Petrovec. Siç kumtuan nga QRMK, në periudhën prej orës 06:10

0 Comments

No Comments Yet!

You can be first to comment this post!

Leave a Reply