QMK: Zjarret në Makedonski Brod janë shuar tërësisht

QMK: Zjarret në Makedonski Brod janë shuar tërësisht

Zjarret në komunën Makedonski Brod, ku është shpallur gjendje krize, në fshatrat Vollçe, Zagrad, Rastezh, Zdunje, Bllizansko dhe Greshnicë janë shuar, informoi sot Nadica Vëçkova, zëdhënëse e Qendrës për Menaxhim me Kriza.

“Në rajonin tjetër të krizës, në komunën Çashkë, zjarri tek Jasenovska gllava nga ana e fshatit Popadia është lokalizuar. Sot në terren janë persona nga ekonomia pyjore ‘Babuna’ për kontroll në terren. Zjarri tek tuneli i Bogomillës në këtë rajon, gjatë ditës së djeshme është vënë nën kontroll dhe sot po kryhet kontroll i sipërfaqes së djegur nga ana e pesë të punësuarve, të punësuar në EP ‘Babuna’”, deklaroi Vëçkova.

Gjatë ditës së djeshme, vazhdoi ajo, ekip i QMK-së, Drejtorisë për Mbrojtje dhe Shpëtim, Ministrisë së Bujqësisë, Pylltarisë dhe Ekonomisë së Ujërave, si dhe persona nga NP “Pyjet e Maqedonisë”, po kryejnë mbikëqyrje dhe vlerësim të gjendjes me zjarret nga ajri, gjegjësisht me helikopter.

“Zjarret në rajonet e tjera në pjesën më të madhe janë shuar ose vënë nën kontroll. Një zjarr në sipërfaqe të vogël në komunën Kërçovë, në vendin Fërllogoec, ku po digjen kullosa, barë i thatë dhe pyll i degraduar lisi, ndërsa në mëngjes në këtë zjarr po intervenojnë persona nga EP ‘Llopushnik’, nga Kërçova”, tha Vëçkova.

Theksoi se zjarri në afërsi të vendbanimeve Mazhurishte, Mramorani dhe Gorno Sello, në Prilep është vënë nën kontroll. Në rajonin e Strugës në vendin Toskë, midis fshatrave Bogojci dhe Tatesh, ka shpërthyer zjarr pyjor me të cilin është përfshirë pyll lisi dhe me drunj të ulët, ndërsa në momentin e shuarjes së tij po intervenojnë zjarrfikës nga NJTZ Strugë dhe persona nga EP “Jabllanica”.

Nga QMK i përkujtojnë qytetarët se ende ekziston ndalesë për lëvizje në pyje dhe janë rritur kontrollet e MPB-së në bashkëpunim me Policinë pyjore.

Në pyetjen e gazetarëve për atë se nëse deri tani kanë mbërritur fletëparaqitje për dëme, Vëçkova tha se tani për tani zyrtarisht nuk kanë mbërritur kurrfarë informata.

Nga QMK theksuan se vlerësimi i dëmeve është rregulluar në dy mënyra. Njëra është për masë të djegur druri, vlerësimin e të cilit e kryen NP “Pyjet e Maqedonisë” dhe e konfirmon Inspektorati shtetëror për pylltari dhe gjueti. Dëmet e tjera vlerësohen në pajtueshmëri të Ligjit për mbrojtje dhe shpëtim në nivel lokal nga Komisionet për vlerësim të dëmeve të njësiteve të vetëqeverisjes lokale.

Previous Zvarritet hapja e kufirit Bellanocë-Stançic
Next Humoristet me te mirë shqiptar realizojnë video për KF Shkendijën (VIDEO)

About author

You might also like

Maqedoni 0 Comments

Han në takim urgjent për Maqedoninë me Vajgël, Hovit dhe Kukan

Eurokomesari për zgjerim dhe fqinjësi të mirë, Johanes Han, sot në mëngjes ka takim urgjent me ndërmjetësuesit e Marrëveshjes së Përzhinos, Riçard Hovit, Ivo Vajgël dhe Eduard Kukan, pas vendimit të

Maqedoni 0 Comments

Tërmet në Maqedoni

Sot, 14.05.2017 në ora 04:08 sipas orës lokale,  në rajonin e Shkupit është regjistruar tërmet epiqendra e të cilës ka qenë në rajonin qendror të Shkupit afër Haraqinës. Tërmetet kanë ndodhur në

Maqedoni 0 Comments

Moisiu: Në Maqedoni, 40 përqind e popullsisë janë shqiptarë

Maqedonia është një vend që po investon në gurë, skulptura të priftërinjve, kryqa e statuja të ndryshme. E gjithë kjo po bëhet për faktin se ky shtet nuk ka indentitet.Kështu

0 Comments

No Comments Yet!

You can be first to comment this post!

Leave a Reply