SHBA armatoset deri në ‘dhëmbë’, strategjia për t’iu përgjigjur kërcënimit ruso-kinez

SHBA armatoset deri në ‘dhëmbë’, strategjia për t’iu përgjigjur kërcënimit ruso-kinez

Duke cituar kërcënimet në rritje nga Kina dhe Rusia, Pentagoni pretendon një rritje të madhe të shpenzimeve ushtarake për vitin 2019 dhe i kërkoi Kongresit që të miratojë një buxhet prej 686 miliardë dollarësh, një prej më të mëdhenjve në historinë amerikane.
Njëkohësisht me rritjen e shpenzimeve për ushtrinë, buxheti i propozuar i administratës Trump përfshin shkurtime të mëdha në diplomacinë ndërkombëtare dhe ndihmën jashtë vendit. Duke e vlerësuar propozimin, Presidenti Trump tha se ushtria amerikane do të jetë më e fortë se kurrë, duke rritur virtualisht arsenalin e çdo arme. Buxheti i ri për ushtrinë vjen me një rritje prej 80 miliardë dollarësh në krahasim me atë të vitit 2017 dhe sipas Pentagonit, fondet shtesë duhen për t’u përballur me rusët dhe kinezët.
Zyrtarë të Pentagonit thanë se sfida kryesore për sigurinë dhe prosperitetin e SHBA-së nuk është më terrorizmi, por konkurrenca mes fuqive të mëdha. Dokumenti i buxhetit të propozuar thotë se është gjithnjë e më e qartë që Rusia dhe Kina duan të krijojnë një botë sipas modelit të tyre autoritar, duke marrë kontrollin e vendimeve ekonomike, diplomatike dhe të sigurisë të vendeve të tjera, diçka që nuk duhet lejuar.
Buxheti i propozuar parashikon raketa, avionë dhe anije të reja që do t’i shtohen ushtrisë, ndërsa Presidenti Trump e justifikoi këtë rritje ushtarake me faktin se SHBA është e detyruar, pasi edhe të tjerët po bëjnë të njëjtën gjë.
Previous Trump: Është koha të punohet për paqe midis Izraelit dhe palestinezëve
Next Gjuriq: Kemi njoftuar Brukselin që jemi të gatshëm për vazhdimin e dialogut me Kosovën

About author

You might also like

HWPL shënon 2 vjetorin e Aleancës botërore për paqë dhe religjion

   Organizata joqeveritare HWPL – do të festoj përvjetorin e dytë të Aleancës botërore për paqë dhe religjion.Dy vjet më parë ish presidentë dhe presidentë të shumë vendeve nëpër botë,

Man Hee Lee nderohet me çmimin “Mahatma Gandhi për paqë pa dhunë”

Man Hee Lee, kryetari i organizatës joqeveritare për paqë dhe kulturë në botë është nderuar me cmimin “Mahatma Gandhi për paqë pa dhunë”. Ceremonia e ndarjes së cmimit u mbajt

Shmanget shpërthimi i katërt në Bruksel

Është bërë edhe shpërthimi i katërt në Bruksel. Besohet se bëhet fjalë për një shpërthim të kontrolluar nga policia. Raporte nga mediat belge thonë se shpërthimi është dëgjuar të vie

0 Comments

No Comments Yet!

You can be first to comment this post!

Leave a Reply