Vardari del nga shtrati në qendër të Shkupit

Vardari del nga shtrati në qendër të Shkupit

Në disa vende lumi Vardar ka dalë nga shtrati në rajonin e Shkupit. Derdhje ka nëpër rrjedhën në qendër të Shkupit, si dhe tek ura  drejt Jurumlerit në komunën Aerodrom dhe në vendet e quajtura Vitel, Çuka dhe Sredored në komunën e Zelenikovës.

Qendra për Menaxhim me Kriza informon se në pjesët e tjera të shtetit vende-vende janë përmbytur sipërfaqet bujqësore, ndërsa në komunën e Mavrovës dhe Rostushes mbi fshatin Zhirovnicë pjesërisht ka filluar rrëshqitja e tokës dhe ekziston rrezik që ajo të rritet.

Në komunën e Bogovinës, në rrugën për në fshatin Novo Sellë ka shembje në gjatësi prej pesë metrash dhe pritet gjatë ditës të fillojë pastrimi.

Sipas informatave të QRMK-së, në komunat Manastir,  Mogilë dhe Novac janë përmbytur 7-10 sipërfaqe bujqësore të cilat janë paraqitur si rezultat i mosfunksionimit të  rrjetit tercial për dërgimin e ujërave, sepse nuk ka derdhje klasike të rrjedhave lumore.

Në komunën e Krushevës, përgjatë lumit Cërna nga fshati Sveta drejt fshatit Buçin ka derdhje dhe përmbytje të livadheve në gjatësi prej rreth tre kilometrash dhe gjerësi prej rreth 50 metra të ujit të lumit.

Vërshime ka edhe në komunën e Demir Hisarit ku janë përmbytur sipërfaqet bujqësore në pjesën e fshatit Dollenci deri në fshatin Sveta.

Në rajonin e Tetovës nuk ka vërshime të reja dhe uji nga sipërfaqet veçmë të vërshuara tërhiqet. Niveli i ujit të lumit Vardar në fshatin Forinë pak është zvogëluar dhe banorët kërkojnë nga ELEM Gostivar edhe sot të zvogëlohet prodhimtaria me energji elektrike sepse ka disa sipërfaqe bujqësore që janë përmbytur nga uji.

Në komunat Ohër, Debarcë dhe Kërçovë gjendja normalizohet, ndërsa në komunat Makedonski Brod dhe Plasnicë për shkak të nivelit të ujit ende të lartë në shumë vende ka vërshime të lumit Treska dhe janë përmbytur sipërfaqet bujqësore, livadhet dhe plantacionet e pemëve.

Previous Toyota nuk do të shesë më vetura dizel në Evropë
Next Ligji i gjuhëve, një javë afat për marrëveshje politike

About author

You might also like

Maqedoni 0 Comments

Gjendja e komunikacionit në Maqedoni

Lidhja Auto-Moto e Maqedonisë bën të ditur se është shpallur ndalesë për automjetet e rënda në rrugën Gostivar-Mavrovë-Dibër, përcjell Telegrafi Maqedoni. Komunikacioni në përgjithësëi në rrugët shtetërore zhvillohet nëpër korsi

Maqedoni 0 Comments

6 të punësuarit në MPB, merren në pyetje për rastin “Tortura”

Sot në Gjykatën Penale në Shkup, përpara gjykatësit në procedurë paraprake do të duhet merren në pyetje gjashtë persona të punësuar në Ministrinë e Punëve të Brendshme, të cilët janë

Maqedoni 0 Comments

Hahn përmes Orav përcjell porositë deri tek liderët

Komisari për zgjerim Johannes Hahn nuk u është drejtuar direkt me letër katër liderëve që të kërkojë rifillim të negociatave, njofton Telma. Në emër të tij, porositë i ka dërguar

0 Comments

No Comments Yet!

You can be first to comment this post!

Leave a Reply